လူမိုက်၏သဘော ( အထွေထွေမှတ်သားဖွယ်ရာ ) ( ၉ )

မပေးရက် ၊ မသုံးရက်သူသည် ဥစ္စာပစ္စည်းဖြင့်အဘယ်အကျိုးရှိမည်နည်း။

ရှာဖွေစုဆောင်းစဉ်အခါ ဆင်းရဲဒုက္ခကိုဖြစ်စေတတ်၏။
ပျက်စီးဆုံးပါးသောအခါ ပူပန်သောကကိုဖြစ်စေတတ်၏။
ပြည့်စုံကြွယ်ဝသောအခါ မာန်မာနကိုဖြစ်စေတတ်၏။
ဤသို့ သဘောရှိသော စည်းစိမ်ဥစ္စာတို့ သည် အဘယ်မှာလျှင်ချမ်းသာကိုပေးတတ်သနည်း။

ဆင်းရဲခြင်း ပြွမ်းလျှက်ရှိသော ဤလူ့ ဘ၀၌ အလိုဆန္ဒဟူသည် ပြည့်ဝသည်မရှိပဲ တိုးတက်ပွားများ၍
နေ၏ ထိုထက် လွန်ကဲသောဒုက္ခသည် အဘယ်မှာရှိမည်နည်း။

သံသရာတည်းဟူသော အဆိပ်ပင်ကြီး၌ အရသာရှိသောအသီး နှစ်လုံးသာလျှင်သီးလေ၏။
ယင်းတို့ ကား ကဗျာကျမ်းတည်းဟူသော အမြိုက်အရသာကိုခံစားရခြင်းနှင့် သူတော်ကောင်းတို့ နှင့်
မိတ်ဖွဲ့ ပေါင်းသင်းရခြင်း ဖြစ်လေသည်။

သူတော်ကောင်းတို့ သာလျှင် သူတော်ကောင်းတို့ ကိုဘေးရန်မှကာကွယ်စောင့်ရှောက်နိုင်လေသည်။

လွတ်လပ်စွာအသက်မွေးရသူသည်လူဖြစ်ရကျိုးနပ်လေ၏။ လွတ်လပ်စွာအသက်မမွေးရသူကား
အသက်ရှင်နေသော်လည်းလူ သေပင်ဖြစ်၏။

ယုတ်ညံ့သူနှင့် ပေါင်းသင်းလျှင် မိမိပညာသည် ဆုတ်ယုတ်သွားမည်သာဖြစ်၏။
တန်းတူသူနှင့်ပေါင်းသင်းလျှင် မိမိပညာသည် တန်းတူအလယ်အလတ်ဖြစ်နေမည်။တိုးတက်ကြီးပွားခြင်းမရှိပေ။
ပညာအရာသာသူနှင့်ပေါင်းသင်းလျှင်မူ မိမိပညာသည် ကြီးပွားတိုးတက်လာမည်ဖြစ်သည်။

လောက၌လူတို့ သည် ပင်ကိုယ်သဘာဝအားဖြင့် သူတော်ကောင်းသူယုတ်မာမဖြစ်နိုင်ပေ၊
မိမိ၏ အပြုအမူသာလျှင် လူကိုမြင့်မြတ်သူ၊ ယုတ်နိမ့်သူအဖြစ်သို့ ပို့ ဆောင်တတ်လေ၏။

အသိဥာဏ် ပညာသည် သူတပါးစိတ်အလိုကို အလိုလိုပင်သိနိုင်စွမ်းလေသည်။

သူစိမ်းပင်ဖြစ်သော်လည်း အကျိုးစီးပွားကိုပြုမူတတ်မူဆွေမျိုးဖြစ်လေသည်။
ဆွေမျိုးပင်ဖြစ်သော်လည်း အကျိုးစီးပွားမဲ့ကိုပြုမူတတ်မူ သူစိမ်းဖြစ်လေသည်။

ကောင်းစွာအားထုတ်ပြုလုပ်ပါသော်လည်း ကံကြမ္မာကြောင့် အလုပ်ကိစ္စပျက်စီးရ၏။
ယင်းသို့ ကျိုးစားအားထုတ် ပါလျှက် အောင်မြင်မူ့ မရခြင်းသည်ကား အားထုတ်သူ၏အပြစ်မဟုတ်
ကံကြမ္မာ၏အပြစ်သာလျှင်ဖြစ်၏။

ပညာရှိသူသည် နည်းလမ်းကောင်းကို ကြံစည်စဉ်းစားရာ၌ ပျက်စီးနိုင်မည့်အချက်ကိုလည်း ၀ကွက်မထားပဲ
ထည့်သွင်းစဉ်းစားရာ၏။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၈ )

လောက၌ ကြီးပွားတိုးတက်လိုသောသူသည် အအိပ်ကြူးခြင်း၊ ထိုင်းမိုင်းခြင်း ၊ ကြောက်ရွံ့ ခြင်း၊ အမျက်ထွက်ခြင်း၊ ပျင်းရိခြင်း ၊ အလုပ်ကိစ္စ၌ လေးကန်ဖင့်နွဲ့ ခြင်းဟူသော အပြစ်ခြောက်ပါးကိုစွန့် ပယ်သင့်ပေသည်။

ဤလူကားငါ့လူ၊ ဟိုလူကားသူ့ လူ၊ ဤသူကားရင်းနှီးသူ၊ ဤသူကားသူစိမ်းဟုရေတွက်စိစစ်ခြင်းသည် သဘောထားသေးနုပ်သူတို့ ၏အလုပ်ဖြစ်၏။ သဘောထားမြင့်မြတ်သူ၊
သနားညှာတာစိတ်ရှိသူတို့  အဖို့ မှာမူ မြေတပြင်လုံး တပေါင်းတည်းသာလျှင်ဖြစ်၏။

သူတော်ကောင်းတို့ ၏သဘောသည် စင်ကြယ်ဖြောင့်မတ်သည် ဖြစ်သောကြောင့်ဖောက်ပြန်ပြောင်းလဲခြင်း မရှိပေ။ အမျက်ဒေါသထွက်သော်လည်း သူတော်ကောင်းတို့ ၏စိတ်သဘောသည် ဖောက်ပြန်ပြောင်းလဲ မသွားပေ။ ပင်လယ် သမုဒ္ဒရာရေကို မြက်ခြောက်မီးဖြင့် ပူအောင်မပြုနိုင်သကဲ့သို့ ပင်ဖြစ်၏။

ကြာရိုးကျိုးသော်လည်း အမျှင်မပြတ်သကဲ့သို့ သူတော်ကောင်းတို့ ၏ သဘောဖြောင့်မတ်မူ့ စသော ဂုဏ်အရည်အချင်းတို့ သည် အချစ်ပြတ်စဲသွားသော်လည်း ဖောက်ပြန်ပြောင်းလဲမသွားပေ။

ပညာဥာဏ်နှင့် စွမ်းရည်သတ္တိရှိသူတို့ အတွက်အဘယ်အရပ်ကို "မိမိအရပ် ဟူ၍ဆိုမည်နည်း။ အဘယ်အရပ်ကိုအရပ်တပါးဟုဆိုမည်နည်း။ ရောက်ရာအရပ်၊ ရောက်ရာနေရာကို လက်ရုံးရည် နှလုံးရည်ဖြင့် အောင်မြင်စိုးမိုးနိုင်လေသည်။

သူတပါးကို နည်းပေးညွှန်ပြဆုံးမရာ၌ ပညာရှိအဖြစ်သည်လွယ်ကူလှလေသည်။ သို့ ရာတွင် မိမိကိုယ်တိုင် တရားဓမ္မအတိုင်း ကျင့်ကြံအားထုတ်သူမှာမူ အရေ အတွေက်အနည်းငယ်မျှသော သူတော်ကောင်းတို့ သာလျှင် ဖြစ်ကြ၏။

လောက၌ တရားဟူသည် သတ္တ၀ါတို့ ကို သနားမူပင်ဖြစ်၏။ ချမ်းသာသုခဟူသည် ကျန်းမာစွာနေရမူ့ ပင်ဖြစ်၏။ ချစ်ခြင်းဟူသည် အမှန်တရားကိုချစ်ခင်မြတ်နိုးမူ့ ပင်ဖြစ်၏။ ဘေးရန်ရောက်ရှိလာသောအခါ သင့်မသင့်ကို ထောက်ချင့်ဆုံးဖြတ်နိုင်သူသည် ပညာရှိမည်လေ၏။ ဆုံးဖြတ်မူ့ မပြုနိုင်သူတို့ တွင်ကား ခြေလှမ်းတိုင်း ဘေးရန်ဖြစ်ပေါ်လာတတ်လေသည်။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၇ )

မိမိထက် အသက်၊ သိက္ခာ ၊ ၀ါကြီးသော သူတို့ ကို အမြဲအရိုအသေပြုလေ့ ရှိခိုးလေ့ရှိသူမှာ အသက်ရှည်ခြင်း အဆင်းလှခြင်း ချမ်းသာခြင်း၊ ခွန်အားကြီးခြင်းဟူသောအကျိုးထူးတရားလေးပါးတို့ သည်တိုးပွားကုန်၏။

သီလလည်းမရှိ၊ တည်ကြည်ခြင်းလည်းမရှိသောသူ၏ အနှစ်တစ်ရာပတ်လုံးအသက်ရှည်ခြင်းထက် သီလရှိ၍ ကမ္မဋ္ဌာန်း ရူသောသူ၏ တစ်ရက်မျှ အသက်ရှည်ခြင်းသည်သာ၍မြတ်၏..။

ခန္တာငါးပါးတို့ ၏ အဖြစ်အပျက်ကို မရူမဆင်ခြင်၍ အနှစ်တစ်ရာပတ်လုံးအသက်ရှည်ခြင်းထက် ထိုခန္တာငါးပါးတို့ ၏ အဖြစ်အပျက်ကို ကောင်းစွာဆင်ခြင်မြင်သောသူ၏ တစ်ရက်အသက်ရှည်ခြင်းသည် သာ၍မြတ်၏။

ရှက်ဖွယ်ရာမဟုတ်ရာ၌ ရှက်တတ်သော၊ ရှက်ဖွယ်ရာ၌ မရှက်တတ်သော မှားသောအယူရှိကုန်သော
သူတို့ သည် မကောင်းသောဘ၀သို့ သွားကုန်၏။

အပြစ်မဟုတ်သည်၌အပြစ်ဟုမှတ်ထင်တတ်၊ အပြစ်ဟုတ်သည်၌ အပြစ်မဟုတ်ဟုမှတ်ထင်တတ်သော မှားသောအယူရှိကုန်သောသူတို့ သည် မကောင်းသောဘ၀သို့ သွားကုန်၏။

လုံခြုံစွာစောင့်ရှောက်အပ်သောစိတ်သည် ချမ်းသာကိုဆောင်တတ်၏။

နိဗ္ဗာန်ရောက်ကြောင်းနှင့်မဆိုင်၊ တောဘွဲ့ တောင်ဘွဲ့ အကျိုးမဲ့ နှင့်သာဆိုင်သော စကားအခွန်းတထောင်ထက် ကြားနာရ၍ရာဂစသည့် ကိလေသာအပူငြိမ်းကြောင်းဖြစ်သော စကားတစ်ခွန်းသည် သာ၍မြတ်၏။

မိမိသည်သာလျှင် မိမိ၏ ကိုးကွယ်ရာဖြစ်၍ မိမိသည်သာလျှင် မိမိ၏ မှီခိုရာဖြစ်၏

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၆ )

ပညာရှိသောသူသည် မည်းညစ်သောဒုစရိုက်ကိုပယ်စွန့် ၍ ဖြူစင်သောသုစရိုက်တရားကိုပွားများရာ၏။ တဏှာ၏ အရာဖြစ်သော ကာမဂုဏ်မှ တရားကင်းရာ နိဗာန်ကိုရည်မှန်း၍ လူသာမန်တို့  မွေ့ လျှော်နိုင် ခဲသောဆိတ်ငြိမ်ရာအရပ်၌မွေ့ လျှော်ရာ၏။

ပညာရှိသည် စိတ်ကိုညစ်ညူးစေတတ်ကုန်သော အနှောင့်အယှက်တို့ မှ မိမိကိုယ်ကို ဖြူစင်စေရာ၏။

များစွာ စကားပြောကာမျှဖြင့် ပညာရှိမဖြစ်။ သည်းလည်းခံတတ်၊ မုန်းသောရန်သူဟူ၍လည်းမထား၊ အကြောက်လည်းမရှိသောသူကို ပညာရှိဟုခေါ်၏။

မကောင်းမူ့ ဟူသမျှကိုမပြုရာ၊ ကုသိုလ်ကောင်းမူ့ နှင့်ပြည့်စုံစေရာ၏။ မိမိစိတ်ကိုဖြူစင်စေရာ၏။ ဤသည်ကားဘုရားရှင်တို့ ၏အဆုံးအမပေတည်း။

မိမိကိုယ်ကိုချစ်လျှင် ( အကုသိုလ် မဖြစ်စေရအောင် ကုသိုလ်ပွားများအောင် ) မိမိကိုယ်ကိုကောင်းစွာစောင့် ရှောက်ရာ၏။ အရွယ်သုံးပါးတို့ တွင် ( အနည်းဆုံး ) တစ်ပါးပါးသောအရွယ်၌ ပညာရှိသည် မိမိကိုယ်ကို အကုသိုလ်မှစင်ကြယ်အောင်စောင့်ရှောက်ရာ၏။

မိမိသည်သာလျှင် မိမိ၏ကိုးကွယ်ရာဖြစ်၏။ သူတပါးသည် မိမိ၏ကိုးကွယ်အားထားရာ အဘယ်မှာ ဖြစ်ရာအံ့ နည်း။ မိမိကိုယ်ကို ကောင်းစွာဆုံးမခြင်းအားဖြင့် ရခဲလှသည့် နိဗာန်တည်းဟူသောကိုးကွယ်ရာကိုရလေ၏။

ပညာရှိသည် မမေ့လျှော့သောသတိဖြင့် မေ့လျှော့ခြင်းကို ပယ်ဖျောက်၍ စိုးရိမ်ကြောင့်ကြကင်းစွာ ပညာတည်း ဟူသော ပြသာဒ်ပေါ်သို့ တက်ကာ စိုးရိမ်ကြောင့်ကြရှိကြသောသတ္တ၀ါအပေါင်းတို့ ကိုကြည့်ရူ့ လေ။

နတ်ချမ်းသာ၊ဈာန်သမာပတ်ချမ်းသာ၊နိဗာန်ချမ်းသာကိုမိခင်သည်လည်းမပေးနိုင်၊ ဖခင်သည်လည်းမပေးနိုင်၊ကောင်းစွာ စောင့်ရှောက် ဆောက်တည်အပ်သော စိတ်သည်သာလျှင် မိဘဆွေမျိုး ထက်ပိုလွန်၍ လူ၊ နတ်၊ နိဗာန် သုံးတန်သောချမ်းသာကိုပေးနိုင်၏။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၅ )

လောက၌ မကောင်းမူ့ ကိုသာလုပ်နေသူ၊ ကောင်းမူ့  မကောင်းမူ့ ရောပြွမ်းလုပ်နေသူ၊ ကောင်းမူ့ ချည်းသာလုပ် နေသူဟူ၍ လူသုံးမျိုးရှိရာ မိမိသည် မည်သည့်လူမျိုးဖြစ်ကြောင်းစဉ်းစားပါ။
( ပညာရှင်တဦး )

အသေးအမွှား မိုက်ပြစ်ကလေးတွေ အရေအတွက်များလာတာနဲ့ အမျှ လူမိုက်ဖြစ်လာတော့မှာပဲ။
( သုတေသီသွေး )

ဒေါသဟာ မိုက်ရူးမူ့ ကပေါ်လာပြီး နောင်တနဲ့ အဆုံးသတ်ရတယ်။
( ပိုင်သာရိရက် )

ကျေးဇူးသိသူမှာတရားရှိသူဖြစ်၍ ကျေးဇူးမသိသူမှာ တရားမဲ့သူပင်ဖြစ်သည်။ ကျေးဇူးရှင်ကိုကျေးဇူးကန်းခြင်းသည်သူယုတ်မာတို့ ၏အလုပ်ဖြစ်၍ ကျေးဇူးရှင်ကိုကျေးဇူးတင်ခြင်းသည် သူတော်ကောင်းတို့ ၏အလုပ်ဖြစ်၏။ ကျေးဇူးမသိတတ်လျှင် လောကအကျိုး သံသရာအကျိုးယုတ်စေသည်။
( တက္ကသိုလ်နှင်းဝေ )

မိုက်ကြေးခွဲ၍ မတရားသောနည်းနှင့် ရနိုင်သောပစ္စည်း၊ ငွေကြေးသည်မသန့် ရှင်းပေ။ မသန့် ရှင်းသော ကြောင့်သုံးစွဲရာ၌ လိပ်ပြာမသန့် ပေ။ လောက၌ သန့် ရှင်းမူ့ နှင့်ညစ်ပတ်မူ့ တွဲ၍မရချေ။
( သုတေသီသွေး )

လူမိုက်ရှေ့ မှာ ပညာမဲ့ရှေ့ မှာ ပညာစကားမပြောနဲ့ ၊ သင့်ရဲ့စကားကိုသူကတန်ဖိုးမထားဘူး။
( ၀င်းအောင် )

ငါတကော ကောတတ်သူအားလည်းကောင်း၊ ဆိုဆုံးမခက် သူအားလည်းကောင်း၊ ကြောင်းကျိုးမသိတတ်သူအားလည်းကောင်း သင်မနှီးနှော မဆက်ဆံ ပါလေနှင့်။ သင်၌သာဒုက္ခခံရမြဲဖြစ်၏။
( ညောင်ရမ်းဇေယျပဏိတ )

အလုံးစုံသော ရုပ်တရားတို့ ကို နာမ်တရားကသာ အစိုးရဖန်ဆင်းသဖြင့် စိတ်တခုကို ဆုံးမပြုပြင် ထက်မြက် ထွန်းတောက်စေရာ၏။ ရုပ်တရားတို့ အလိုသဘောအတိုင်းသာနာမ်တရားကခံရပါမူ သင်မုချရှုံးလေပြီ။
( ညောင်ရမ်းဇေယျပဏိတ )

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၄ )

သစ်ကောက် ၀ါးကောက်သာမြင်နိုင်၏ ။ လူအများ၏ကောက်ကျစ်စဉ်းလဲသော စိတ်ကိုမမြင်နိုင်။ လူ့ စိတ်သည် တနေရာ၌ကောင်း၍ အခြားတနေရာ၌ ဆိုးတတ်၏ ။ ထို့ ကြောင့်မည်သူ့ စိတ်ကိုမှ မိမိက အာမခံ မရဲလေနှင့်။
( သုတေသီသွေး )

သူတပါးအကျိုးယုတ်အောင် မလုပ်ပေမယ်လို့ ကိုယ့်ဟာကိုယ်အကျိုးယုတ်အောင်လုပ်ရင် အကုသိုလ်ဖြစ်တယ် လို့ ယူဆနိုင်ပါတယ်။
( ဦးသာချို )

အကြင်သူသည်လူဟူ၍အခေါ်ခံရပြီး ၊ ဘယ်ဟာကကုသိုလ် ၊ ဘယ်ဟာကအကုသိုလ် ၊ ဘယ်ဟာကသုစရိုက်တရား ၊ ဘယ်ဟာကဒုစရိုက်တရားဟူ၍ ခွဲခြားနားလည်ခြင်းမရှိ၊ သိအောင်လည်းမလေ့လာ သိသည်ဆိုစေကာမူ ကျင့်ကြံအားထုတ်ခြင်းလည်းမရှိ၊ ရှောင်ကြဉ်ရမည်ကိုလည်း မရှောင်ကြဉ် ၊ ကိုယ်အကျိုး ရှိမည်ထင်သော အရာမှန်သမျှ ဆိုးဆိုးကောင်းကောင်းမဟုတ် ၊ ဘာမဆိုအကုန်ပြုလုပ်၏ ၊ ပြောဆို၏ ။
ကြံစည်၏ ။ ထိုသူသည် အဘယ်မှာလျှင် လူဟု အခေါ်ခံထိုက်ပါမည်နည်း။
( တက္ကသိုလ်လွမ်းဝေ )

မရဘူးသား ၊ ရတုံငြားသော် အများထင်လျှက် ၊ ငွေပဲဝက်ကြောင့် ထက်သည့်မာန်စောင် ၊ ခေါင်းမြီးထောင်
( မတော်ပြဿနာခဏ်းပျို့ )

နှစ်ယောက်မတန် ၊ ငါသာလွန်ဟု မာန်တရှေးရှေး ၊ တသွေးသွေးနှင့် နွားခြေးထက်ဝယ်၊ ဖားသူငယ်သို့ ။
( ဘလ္လာတိယပျို့ )

ဤလူ့ ဘ၀ ၊ လူ့ လောက၌ ဥာဏသမဇဉ် ၊ ကင်းမယှဉ်ပဲ ကတညုတ ၊ ကတဝေဒိ မသိတတ်သူ ၊ လူမသမာ ၊ ထိုများစွာတို့  ချမ်းသာစီးပွား ၊ လျှော့ပါးယိမ်းယိုင် မြဲမခိုင်ဘူး။
( မာဃဒေ၀ )

ဥာဏမသန် ၊ တရိစ္ဆာန်သို့  ၊ မဖန်မေ့ကာ၊ မှတ်မဲ့သာလျှင် ၊ အိပ်ကာစားကာ မကျင့်ရာတည်း။
( မဟာသုတသောမပျို့ )

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၃ )

ငါသာငါထက် ၊ မာန်မတက်နှင့် ၊ အထက်နေမင်း ၊လေးကျွန်းချဉ်းလည်း ၊ မလင်းတိမ်တိုက် ၊ တစ်ကျွန်းမိုက်၏။ နှိုင်းလိုက်သည်သာ ဤအရာကို ပညာရှိက ၊ သတိရလိမ့်။
( ရှင်မဟာသီလ၀ံသ )

ပုထုဇဉ်လူ့ ဗာလတို့ ၌ လောဘသည် ဆန္ဒထက်အလွန်အားကြီး၏။ ပညာရှိတို့ ကား ဆန္ဒသည် လောဘထက် အလွန်အားကြီး၏။ ထို့ ကြောင့် လောဘ၏လက်ထဲသို့  ရောက်နေသော ပုထုဇဉ်သည် လောကီစည်းစိမ်ကို မစွန့် နိုင်။ သို့ ဖြင့် ၀ဋ်ဆင်းရဲမှ မထွက်မြောက်နိုင်။
( မြို့ မမောင် - တရားမှတ်စုသုံးရာ )

အရေခြုံများကိုသတိပြုလေ။ သူမိုက်သူယုတ်တို့ သည် အမြဲအရေခြုံလေ့ရှိသည်။ သူယုတ်မာ၏ကယ်ဆယ်ကူညီ ခြင်းသည် ကြောက်မက်ဖွယ်အကောင်းဆုံးဘေးကြီးပင်ဖြစ်၍ သူတဦး၏ဇာတိကို ထောက်လှမ်းစုံစမ်း၍ သူယုတ်မာကိုဝေးစွာရှောင်ကြဉ်အပ်ချေ၏။ မလွှဲမကင်းသာ၍ဆက်ဆံရလျှင်လည်းအတွင်းအပနှစ်ဝအားဖြင့် မယုံကြည်ဘဲ ၄င်းနှင့် လျှော်ရုံကိုသိပြီးလျှင် လျှော်သည်ထက်ပိုမိုမြှောက်စားမိမည်ကိုသတိပြုရာ၏။
( စစ်ကိုင်း ဦးဘိုးသင်း ၊ ဖာတလုံးခေါင်းကျား )

ရေမျော ထင်းဟောင်း ဆယ်သော်ကောင်း၏ ။ အကြောင်းမညှာ ၊ ပညာမဲ့ထ လူ့ ဗာလကို ၊ မ စ ကယ်မိ၊ အပြစ်ရှိခဲ့ ၊ အသိကျေးဇူး ၊ ထိန်မြူးပျောက်ချေ ၊ ကြက်သောက်ရေသို့ ၊ ပျောက်ကြေဆုံးဘိ ၊ ကျိုးမရှိတည့် ။
( မာဃဒေ၀ ၂၀၉ )

ဗဟုသုတ ၊ မရှိကမူ ၊ လျှောကျရေတူ ၊ လူမဟူရ ၊ ရှက်ကြီးရလိမ့် ၊ နောင်တဆယ်ကြိမ်၊ ညှိုးပိန်မျက်နှာ ၊ ပွဲမှာမ၀င် ပြင်မှာမရောက် ၊ တောမှာမျောက်သို့ ၊ ခြေထောက်လက်စုံ၊ ရှိပါတုံလျှက် ၊ လူပျက်လူနှမ်း လူ့ ပေါက်ပန်းနှင့် လူသွမ်းလူပေါ့၊ တသော့သော့ဟု ၊ ကဲ့ရဲ့ ပြုလိမ့်။
( ပုတ္တေ၀ါဒပျို့  )

လူ့ လောကတွင် လူမိုက်များစွာရှိပေသည်။ အခြားသူများမိုက်မဲလေသောကြောင့် မိမိကပါ မိုက်မဲရသည် ဆိုသည်မှာအကြောင်းအကျိုးမှန်သော သဘောတရားမဟုတ်ပေ။
( လှသမိန် )

ဒေါသဖြစ်တယ်ဆိုတာ မစင်နဲ့ ပက်တာကို မစင်နဲ့ ပြန်ပက်တာနဲ့ တူတယ်။ သူများမိုက်မှားတာကို မိမိကပြန်မိုက်မှားတာနဲ့ အတူတူပဲ။
( ရှောလမုန်သုတ္တန်စကားမှ )

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေမှတ်သားဖွယ်ရာ ) ( ၂ )

ကောင်းမူ့ နှင့်ယှဉ်သော မိတ်ဆွေများ မရေတွက်နိုင်အောင် များပြားလေလေ ကောင်းလေလေဖြစ်သည်။ မကောင်းမူ့ နှင့်ယှဉ်သောမိတ်ဆွေတစ်ယောက် တိုးလာလျှင်မူ များစွာသောဒုက္ခကို ဖြစ်နိုင်စေသည်။
( တက္ကသိုလ်လွမ်းဝေ )

ယုတ်မာသောအကုသိုလ်မကောင်းမူ့ ကိုပြုကျင့်လေ့ရှိသောသူသည် ချမ်းသာသုခကို လွယ်လွယ်ကူကူမရနိုင်၊ မီးနှင့်အကြွေး၊ မမွေးမြူရာ မိတ်ဆွေလူမိုက်၊ မပေါင်းထိုက်တာ မကောင်းတူဘိ၊ သတိရှိပါ။
( မင်္ဂလာဦးသိန်းမောင် )

ဆပ်သွားဖူးပန်းပင်သည် အဆင်းလှ၍ အနံ့ မွှေးကြိုင်သော်လည်း ဆူးရှိနေသောကြောင့် ပျားပိတုန်းများမနားကြ သကဲ့သို့  ဂုဏ်ကျက်သရေနှင့်ပြည့်စုံပါလျှက် အပြောအဆိုကြမ်းကြုတ်၍ ခက်ထန်လျှင် အခြွေအရံပရိသတ် ရှိမည်မဟုတ်ချေ။
( လယ်တီပဏ္ဍိတ၊နိကိမဉ္စရီ အတွဲ ၁ မှ )

အပြောကြီးသူသည် အလိမ်ကြီး၏ ။ အကြွားကြီးသူသည် အလုပ်နည်း၏ ။
လူမိုက်၏အပြုံးကအေးဆေးသည် ။
( ပြင်သစ်စကားပုံ )

ပညာတတ်သောသူတို့ သည် ငါတတ်သည်ဟု ထင်မှား၍ ထောင်လွှားကြ၏ ။ ပညာရှိကား ငါတတ်စရာတွေများလှချည့်လားဟု ဆင်ခြင်နှိမ့်ချ၏ ။
( တကူးပါး )

လူဆိုး လူလိမ် ဖြစ်ခြင်းထက် ရူးနှမ်းနေခြင်းကပိုကောင်း၏ ။
( အင်္ဂလိပ်စကားပုံ )

မကောင်းသောသူကို ပေါင်းသင်းပါက ဘေးဥပါဒ် အန္တရယ်ကိုဖိတ်ခေါ်သလိုဖြစ်၏ ။
( အင်္ဂလိပ်စကားပုံ )

မာန်မာနရှေ့ ကသွားလျှင် အရှက်ရမူ့ က နောက်ကလိုက်သည်။
( ဝေလပညာရှိ စကားပုံ )

လုံ့ လ၀ိရိယ ဇွဲရှိသော်လည်း ဗဟုသုတမရှိလျှင် မိုက်မဲခြင်းဖြစ်၏ ။
( ဝေလပညာရှိစကားပုံ )

လောက၌ သူ့ အသက်ကိုသတ်သူ၊
မဟုတ်မမှန်ပြောသူ၊
မပေးသည်ကိုယူသူ၊
သူ့ မယားကိုလည်းကျူးလွန်သွားလာသူ၊
သေရည်သောက်ခြင်းကိုအဖန်တလဲလဲအားထုတ်သူ။
ထိုရန်သူငါးမျိုးတို့ ကိုမပယ်နိုင်ခြင်းကြောင့် သီလမရှိ ၊
သီလမရှိ ပညာမရှိသော ထိုသူသည် ခန္တာကိုယ် ပျက်စီးသည်ရှိသော် အပါယ်ငရဲသို့ ကျရောက်ရလေ၏။
( စတုတ္တသုတ်မှ )

အလိုလိုက် အမိုက်စော်ကား၊ အပါယ်ထိုထို ဥဒဟိုသည် ငါလိုလူမိုက်သွားလမ်းတည်း။
( မိုးညှင်းဆရာတော် )

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( အထွေထွေ မှတ်သားဖွယ်ရာ ) ( ၁ )

အတွင်းစိတ်ကိုမပြုပြင်ပဲ ပြင်ပပြုပြင်ပြောင်းလဲမူ့ များ လုပ်နေလျှင် အရေခြုံမျှသာ။ အတွင်းသားကို လှိုက်၍စား နေသောသစ်သားကိုအပြင်မှ အရောင်တင်နေသော်လည်းအချည်းနှီးပင်တည်း။
(ဒဂုန်ဦးစန်းငွေ)

တရားမသိပဲ (အကန်းမိုက်) မိုက်သူထက်၊ တရားသိပြီးဇယားချ၍ မိုက်သောသူက ပို၍ကြောက်စရာကောင်း၏။
(ဒဂုန်ဦးစန်းငွေ)

ကာမဂုဏ်ဆန္ဒဆိုသည်မှာ တိုးပွားအောင်မြှောက်စားမွေးမြူနေသမျှ တိုးပွားလာတတ်ပေသည်။ သာမန်လူတယောက်သည် ကာမဂုဏ်မူ့ ကို အရေးပေးလိုက်စားလွန်းပါက (ရာဂမ္မတ္တက) ရာဂရူးတစ်ယောက် ဖြစ်သွားနိုင်ပါသည်။
(လှသမိန်)

လူယုတ်မာများသည် မည်သို့ ပင်ဟန်ဆောင်နိုင်သော်လည်း မကြာခင်မှာပင် သူတို့ ၏ လုပ်ကိုင်ဆောင်ရွက် ချက်တို့ ကလူယုတ်မာဖြစ်ကြောင်းသက်သေပြလျှက်ရှိ၏။
(ထွန်းအုပ်)

လူမိုက်ကိုမပေါင်းရဆိုသော်လည်း ဆန့် ကျင်ဘက်လုပ်ရန်၊ ရန်ဘက်လုပ်ရန်မထိုက်။ မြွေပွေးအနီး မချဉ်းကပ်ပဲ နေရမည့်သဘောဖြစ်၏။ သွားပြီးရန်မူလျှင် မြွေပွေး၏ ကိုက်ခဲပေါက်သတ်ခြင်း ခံရမည်မဟုတ်လား။
(တက္ကသိုလ်လွမ်းဝေ)

ဆိုးညစ်ယုတ်မာသောသူအဖို့  အချင်းချင်းသည်လည်းကောင်း၊ လူကောင်းများနှင့်သော်လည်းကောင်း၊ မိတ်ဆွေမဖြစ်နိုင်။
(ဆိုကရေးတီးစ်)

လူတို့ သည်ဇတ်နွယ်မျိုးခြင်းတူကြသော်လည်း အာဃာတစိတ်ထားခိုက်ရန်ပွားပြီးနှိပ်စက်ညှင်းဆဲနေကြသည် ဖြစ်အံ့၊ ထိုသူတို့ သည် မတူသောသူတို့ မည်ကုန်၏။ မတူသောသူနှင့် အတူနေရခြင်းသည် ဆင်းရဲ၏။
(ရန်ကုန်သတင်းစာ)

ဤသို့ သောလူရှစ်မျိုးသည် စည်းဝိုင်းပြင်ပမှ လူများဖြစ်ကြသည်။
ဘ၀င်မြင့်လွန်းသောသူ
တင်စီးလွန်းသောသူ
ဒေါသကြီးလွန်းသောသူ
လောဘဇောကြီးလွန်းသောသူ
ကပ်စေးနည်းလွန်းသောသူ
စိတ်ယုတ်မာရှိသောသူ
အယူသည်းလွန်းသောသူနှင့်
မိမိကိုယ်မိမိအလွန်အထင်ကြီးလွန်းသောလူမိုက်တို့ ဖြစ်၏။
(စာရေးဆရာရွှေမျှား)

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၉ )

အကြင်အဆွေခင်ပွန်းနှင့် ပေါင်းဖက်ခြင်းဖြင့် စိတ်ဆင်းရဲလျှင် ထိုသို့ ဆင်းရဲရကြောင်း ဆင်ခြင်သတိရ၍ ထိုအဆွေခင်ပွန်းကို မီးပုံကြီးကဲ့သို့  သတိပြုနေလေတော့။

ရှေးကကုသိုလ် အကုသိုလ်ကံတို့ ကြောင့် ယခုဘ၀၌ စံရ ခံရသည်ဟု မသိသောသူသည် လူမိုက်ဖြစ်၏ ။

သူမိုက်သည် ရေမပြည့်သောအိုး ဘောင်ဘင်ခတ်သည်နှင့်တူ၏ ။ ပညာရှိသောသူသည် ရေပြည့်သောအိုး ငြိမ်သက်နေသည်နှင့်တူ၏ ။

ချောင်းငယ် မြောင်းငယ်တို့ သည်အသံကြီးစွာပြုလျှက်စီး၏ ။ မြစ်ကြီးတို့ သည်ကားအသံမပြု ၊ ထို့ အတူ အကြားအမြင်နည်းသူသည်ပလွှားတတ်၏ ။

လူမိုက်သည် ပညာရှိကိုချီးမွမ်းလျှင် ချီးမွမ်းသည်မမည်။ ဒဏ်ပေးသည်မည်၏ ။ ပညာရှိက ပညာရှိကိုချီးမွမ်းမှ ချီးမွမ်းသည်မည်၏ ။

ပညာမဲ့သောလူမိုက်တို့ သည် မိမိတို့ ဂုဏ်ကို ပလွှားနေသော်လည်း မထင်ပေါ် ။ ပညာရှိကား တွင်း၌ ပုန်းနေသော်လည်း ထင်ပေါ်ထင်ရှားပါလိမ့်မည်။

စိတ်၏ဆင်းရဲခြင်း၊ ကိုယ်၏ဆင်းရဲခြင်း ၊ စိုးရိမ်ပူဆွေးခြင်းတို့ ဖြင့် ယနေ့ နက်ဖြန်အမှန်ပျက်စီးရမည် ဖြစ်သောဤခန္တာကိုယ်အတွက် တရားကင်းသည့်အလုပ်ကို အဘယ်သူသည်ပြုလုပ်သင့်ပါသနည်း။

သတ္တ၀ါတို့ ၏အသက်သည် ရေ၏အတွင်း၌ထင်သောလရိပ်ကဲ့သို့ တုန်လှုပ်၍နေလေ၏။ ဤသဘော ရှိပါတကားဟုအမြဲမပြတ် ဆင်ခြင်စဉ်းစား၍ ကုသိုလ်ကောင်းမူ့ ကိုအစဉ်ပြုကျင့်ရာ၏။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၈ ) ( ဟိတောပဒေသမှ )

ပညာရှိတို့ ၏အချိန်ကာလသည်ကဗျာကျန်းဂန်တို့ ကိုကြည့်ရှု့ ဖတ်ရွတ်ခြင်းဖြင့်ကုန်ဆုံးကျော်လွန်၏။ လူဖျင်းလူမိုက်တို့ ၏အချိန်ကာလသည်ဒုစရိုက်မူ့ ကိုကျူးလွန်ပြုလုပ်ခြင်းဖြင့်လည်းကောင်း၊ အိပ်ခြင်းဖြင့် လည်းကောင်း ၊ ခိုက်ရန်ဒေါသဖြစ်ခြင်းဖြင့်လည်းကောင်း ကုန်ဆုံးကျော်လွန်၍သွား၏။

သောကဖြစ်ကြောင်း ထောင်းပေါင်းများစွာတို့ သည်လည်းကောင်း၊ ဘေးဖြစ်ကြောင်းရာပေါင်းများစွာတို့ သည် လည်းကောင်၊ နေ့ စဉ်ရက်ဆက်လူမိုက်တို့ ထံသို့ ရောက်လာကုန်၏။ ပညာရှိထံသို့ ရောက်လာခြင်းမရှိပေ။

တရားကျမ်းဂန်နှင့် ဝေဒကျမ်းဂန်ကိုရွတ်ဖတ်ခြင်းသည်လူမိုက်အတွက်လူကောင်းဖြစ်ရန် အကြောင်းရင်းမဟုတ်ပေ၊ နွားနို့ သည်ပင်ကိုယ်သဘာဝအားဖြင့်သာလျှင် ချိုမြိန်သကဲ့သို့့ ပင်ကိုယ်သဘာဝသည်သာလျှင်အကြောင်းရင်းပဓာနဖြစ်သည်။

ကျမ်းကြီးကျမ်းခိုင်တို့ ကိုသင်ကြားတတ်မြောက်၍ ယုံမှားသံသယတို့ ကိုဖြေရှင်းနိုင်သည့်ဗဟုသုတရှိ ပညာရှင်တို့ သော်မှလောဘဖြင့်ဖုံးလွှမ်းနေလျှင် ဆင်းရဲဒုက္ခရောက်ကြရကုန်၏။ လောဘကြောင့် ဒေါသဖြစ်၏၊ လောဘကြောင့် ကာမတဏှာဖြစ်၏။ လောဘကြောင့်မောဟဖြစ်၏။ လောဘကြောင့်ပျက်စီးရ၏။ လောဘသည် မကောင်းမူ့ ၏အရင်းခံဖြစ်၏။

စက္ခုစသော က္ကနြေ္ဒတို့ ကို မစောင့်စည်းခြင်းသည် ဘေးရန်၏လမ်းကြောင်းဖြစ်၏ ။ စက္ခုစသော က္ကနြေ္ဒတို့  ကိုအောင်နိုင်ခြင်းသည် ချမ်းသာသုခ၏ လမ်းကြောင်းဖြစ်၏ ။

လူမိုက်နှင့်အတူတကွ ရန်လည်းမပြုသင့်ပေ၊ ချစ်ခင်ပေါင်းသင်းခြင်းလည်းမပြုသင့်ပေ ။ မီးကျည်ခဲသည် ပူခိုက်ဖြစ်မူ ကိုင်သောလက်ကိုလောင်တတ်သည်။ အေးခိုက်ဖြစ်မူ မည်းညစ်စွန်းပေတတ်သည်။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၇ )

မြွေသတ္တ၀ါအားနို့ ရည်တိုက်ခြင်းသည် အဆိပ်ပွားစေရုံသက်သက်သာလျှင်ဖြစ်လေသည်။
ထိုနည်းအတူ လူမိုက်တို့ အား ပြောဆိုညွှန်ပြ ဆုံးမခြင်းသည် ထိုလူမိုက်အား
အမျက်ပွားစေရုံသက်သက်သာလျှင်ဖြစ်စေသည်။

စဉ်းလဲကောက်ကျစ်သူသည် မိမိကြီးပွားရေးအတွက် သူတပါးအားမကောင်းကြံတတ်လေ၏။
ထိုကဲ့သို့ သောသူယုတ်မာနှင့်နှင့်ပေါင်းသင်းဆက်ဆံခြင်းသည် ကိုယ်မှီခိုရာကို ကိုယ်လောင်ကျွမ်းတတ်သော
မီးကဲ့သို့ လောင်ကျွမ်း ပျက်စီးတတ်လေသည်။

မိုက်မဲ၍ဆင်ခြင်တုံတရားမရှိသော အုပ်ချုပ်သူမင်း၊
လောဘရမက်အလွန်ကြီးသော မင်းခစား၊
လင့်အလိုကိုမလိုက် ငြူစူဆဲဆိုတတ်သော မိန်းမ၊
ဂတိမတည် လိမ်လည်လှည့်စားတတ်သော မိတ်ဆွေ၊
အပျင်းကြီး၍ ဆင်ခြေဆင်လက်ထူသော ကျေးကျွန်၊
မေ့လျှော့ပေါ့ဆ မောက်မာတတ်သော အကြီးအကဲ၊
သူတပါး၏ကျေးဇူးကိုမသိတတ်သော လူမိုက်၊
ဤခုနှစ်ဦးကိုစွန့် ပြစ်ထိုက်သည်။

သူယုတ်မာပြုကျင့်သော မကောင်းမူ့ သည် အပြစ်ကင်းသူ
သူတော်ကောင်းသို့ လာရောက်အကျိုးပေးတတ်လေသည်။

သူယုတ်မာတို့ ၏ ပြုံးရွှင်စွာပြောဆိုသော ချစ်ခင်နှစ်သက်ဖွယ်စကားတို့ သည်
အတိတ်နမိတ်ပြသော အခါမဲ့ပန်းကဲ့သို့  အလွန်ကြောက်မက်ဖွယ်ကောင်းလှပေသည်။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၆ )

စိတ်သည် လိုရာအာရုံကိုလိုက်စားလျှက် အလိုရှိတိုင်းကောင်းနိုးရာရာ လှည့်လည်ကျက်စားလေ့ရှိ၏။ ထိုစိတ်ကိုဆင်ထိန်းသည်အမုန်ယစ်သောဆင်ကိုချွန်းဖြင့်နှိမ်သကဲ့သို့ သတိတရားဖြင့်နှိမ်ပေးအံ့။

ကုသိုလ်ကောင်းမူ့ တို့ ကိုမြန်မြန်ပြုရာ၏။ စိတ်ကိုမကောင်းမူ့ မှတားမြစ်ရာ၏။ ကုသိုလ်ကောင်းမူ့ အပြုနှေးသောသူ၏စိတ်သည် မကောင်းမူ့ ၌မွေ့ လျှော်တတ်၏။

သူတော်ကောင်းတို့ သည်မမေ့လျှော့သောသတိတရားထား၍ကိလေသာညွံအတွင်းမှ မိမိကိုယ်ကိုနှုတ်ထုတ်ကြကုန်၏။
စိတ်ထားယုတ်မာသူတို့ သည် စိတ်၌တမျိုး၊ စကား၌တမျိုး၊ အလုပ်၌တမျိုးဖြစ်၏။ (ပါးစပ်ကဘုရားဘုရား၊ လက်ကကားယားကားယား) စိတ်ထားမြင့်မြတ်သူတို့ သည်ကားစိတ်၌လည်းကောင်း၊ စကား၌လည်းကောင်း၊ အလုပ်၌လည်းကောင်း တသမတ်တည်း တစ်သဘောတည်းဖြစ်လေသည်။

အကြင်သူသည် လူမိုက်တို့ နှင့် ဆက်ဆံပေါင်းသင်းခြင်းကိုမပြု၊ ထိုသူသည် အသက်ရှည်ရှည်တည်နေရ၏။ အကြင်သူသည် သူယုတ်မာတို့ နှင့် ဆက်ဆံပေါင်းသင်းခြင်းကိုပြု၏။ ထိုသူသည် ဆင်းရဲတွင်းသို့ ကျဆင်းရလေသည်။

အကြင်သူသည် အကျိုးရှိမရှိကို ဆင်ခြင်တိုင်းထွာတတ်သည့်အသိဥဏ်မရှိ ဗဟုသုတခေါင်းပါး၏။ ၀မ်းဝရုံလောက်သာလျှင်သိ၏။ ထိုပညာခေါင်းပါးလူ့ ငနွားနှင့် တိရိစ္ဆာန်နွား ဘာထူးခြားချက်မှမရှိချေ။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၅ )

ကိလေသာစိတ်တို့ ဖြင့်သာအချိန်ကုန်၍ ပေါ့တန်ပျင်းရိလုံလမရှိသော သူ၏ အနှစ်တရာပတ်လုံးအသက်ရှည်ခြင်း ထက် ကိလေသာကင်းကြောင်းကောင်းစွာအားထုတ်သောသူ၏တစ်ရက်မျှအသက်ရှည်ခြင်းသည်သာ၍မြတ်၏။

ပစ္စုပန်၊ တမလွန်နှစ်တန်သော ဘ၀တို့ ၌အကြောင်းအကျိုးမသိ။ ပညာမရှိသောလူမိုက်တို့ သည်မေ့မေ့လျှော့လျှော့အချိန်ဖြုန်းကြ၏။ ပညာရှိသောသူသည်ကားမမေ့မလျှော့သောသတိတရားကိုမြတ်သောဥစ္စာကဲ့သို့ စောင့်ရှောက်၏

လူမိုက်တို့ သည်ဤလောက၌မိမိတို့ အမြဲမနေ၊ သေရဦးမည်ကိုမအောင့်မေ့မဆင်ခြင်ပဲ ခိုက်ရန်ပွားကုန်၏။ ပညာရှိတို့ သည် မိမိတို့ အမြဲမနေ၊ သေရဦးမည်ကို သိမြင်ဆင်ခြင်ကြ၍ လူမိုက်တို့ ကိုမတုပဲခိုက်ရန်ငြိမ်းအောင် ပြုကြ၏။

ငါ၏အနည်းငယ်မျှသော မကောင်းမူ့ သည်အကျိုးမပေးလတ္တံဟုမကောင်းမူ့ ကိုမထီမဲ့မြင်မမှတ်ရာ။ မိုးပေါက်ကျဖန်များသော် ရေအိုးကြီးပင်ပြည့်လေသကဲ့သို့  မကောင်းမူ့ ကိုအနည်းငယ် အနည်းငယ် ပြုဖန်များ သောသူမိုက်သည် မကောင်းမူ့ နှင့်ပြည့်လေ၏။

လေညာသို့ ပစ်လွှတ်လိုက်သော မြူမှုန်သည် ထိုပစ်လွှတ်လိုက်သောသူ၏ အပေါ်သို့ သာ ပြန်ကျသကဲ့သို့  မပြစ်မှားထိုက်သော အပြစ်စင်ကြယ်သော ကိလေသာကင်းသော ပုဂ္ဂိုလ်ကိုပြစ်မှားလျှင် ထိုသူမိုက်သာလျှင် မကောင်းကျိုးပေး၏။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၄ ) ( ဓမ္မပဒမှ )

*** အိပ်မပျော်သောသူ၏ ညသည်ရှည်၏။ ခရီးပမ်းသောသူ၏တယူဇနာခရီးသည်ရှည်၏။

သူတော်ကောင်းတရားကို မသိကုန်သော လူမိုက်အတွက် သံသရာသည်ရှည်၏။

*** ယခုဘ၀၊ နောင်ဘ၀များ၏ ကျိုးကြောင်းမမြင် အဆင်အခြင် ဥာဏ်ပညာမရှိကြကုန်သော လူမိုက်တို့ သည် မိမိကိုယ်ကိုမိမိ ရန်သူကဲ့သို့ပြုလုပ်၏ ။ ဆိုးရွားသောအကျိုးကိုပေးတတ်သည့် မကောင်းမူ့ ကိုပြုလျှက် လှည့်စားနေထိုင်ကြ၏ ။

*** လူမိုက်သည် မိမိပြုသော မကောင်းမူ့ အကျိုးမပေးသေးသမျှ ကာလပတ်လုံး မကောင်းမူ့ ကို နှစ်သက် ၀မ်းမြောက်စွာ ပျားသကာကဲ့သို့ ထင်မှတ်၏ ။ သူ၏မကောင်းမူ့ အကျိုးပေးသောအခါ ထိုလူမိုက်သည်
ဆင်းရဲဒုက္ခသို့ ရောက်ရလေ၏ ။

*** လူမိုက်မှာရှိသော အတတ်ပညာသည် ထိုလူမိုက်၏ အကျိုးမဲ့ပျက်စီးရန်အတွက်သာဖြစ်၏ ။ ဖြူစင်သောကောင်းမူ့ နှင့် ပညာတည်းဟူသော ဦးထိပ်ကိုပြတ်၍ကျစေတတ်၏ ။

*** လူမိုက်ပင်ဖြစ်သော်လည်း မိမိမိုက်ကြောင်း သိသောသူ သည် ဤကဲ့သို့  အမှန်သိတတ်သဖြင့် ပညာရှိ မည်၏ ။ လူမိုက်ဖြစ်၍ မိမိကိုယ်ကို ပညာရှိဟု မှတ်ထင်သောသူကို မိမိမိုက်ကြောင်းကိုမျှ မသိတတ်သဖြင့် တကယ့်ပညာမဲ့ လူမိုက်ဟုခေါ်၏ ။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၃ )

• လောက၌ ကြံသည်အဖျားမှအစဉ်သဖြင့်အဆစ်တိုင်း အဆစ်တိုင်း လွန်သောထူးသောအရသာရှိ၏။
• မိတ်ဆွေခင်ပွန်းကောင်းဖြစ်သောသူတော်သူမြတ်သည်လည်း ထိုကြံ၏အဖျားမှအရင်းတိုင်အောင်လွန်၍လွန်၍ချိုသူနှင့်တူ၏။
• 
  
• လူမိုက် (၀ါ) မိတ်ဆွေတုကားအရင်းအစ၌သာချို၍အဖျားတိုင်အောင်မချိုသောကြံ၏သဘောနှင့်တူ၏။
• 
  
• လောက၌ နည်းပါးသောအကြားအမြင်ရှိသောသူသည် အနည်းငယ်သောအကြားအမြင်ကိုအများအောက့်မေ့တတ်၏၊ မာန်ရှိတတ်၏၊
  
• အဘယ်ကဲ့သို့ နည်းဟူမူကား သမုဒ္ဒရာရေကို မမြင်ဖူးသောဖားသူငယ်သည် တွင်းဝ၌ရေကိုအများကြီးထင်သကဲ့သို့ တည်း။
• 
  
• လောက၌ ပထမအရွယ်၌ အတတ်ပညာမရခဲ့၊ ဒုတိယအရွယ်၌ဥစ္စာမရခဲ့၊ တတိယအရွယ်၌တရားမရခဲ့၊
• စတုတ္ထအရွယ်၌ အဘယ်သို့ ပြုနိုင်အံ့နည်း။
• 
  
• ရန်သူနှင့်လည်း အကျွမ်းမ၀င်ရာ ( မယုံကြည်ရာ )
• အဆွေခင်ပွန်းနှင့်လည်း အလွန်အကျွမ်းမ၀င်ရာ ( မယုံကြည်ရာ )
• တခါတရံ အဆွေခင်ပွန်းသည် အမျက်ထွက်လတ်သော် ခပ်သိမ်းသောအပြစ်တို့ ကို ထင်ရှားပြတတ်၏။
• 
  
• လောက၌ မစင်အတိပြည့်သော ကျဉ်းမြောင်းသော အရပ်၌ နေရခြင်းသည် ဆင်းရဲ၏။
• ထို့ ထက်မချစ်မနှစ်သက်သော ရန်သူနှင့်နေရခြင်းသည်ဆင်းရဲ၏။
• ထို့ ထက်လည်း သူ့ ကျေးဇူးကိုမသိတတ်သောသူနှင့် နေရခြင်းသည်လည်းဆင်းရဲ၏။
• 
  
• ဆုံးမသင့်သောအရာ၌ဆုံးမရာ၏။ မပြတ်ဆုံးမရာ၏။
• မကောင်းသော အကျင့်မှလည်းတားမြစ်ရာ၏။ ထိုစကားသင့်စွ။
• ဆိုဆုံးမတတ်သူကို သူတော်ကောင်းတို့ သည်ချစ်ခင်အပ်သည်ဖြစ်၏။ လူမိုက်တို့ ကမူမုန်းတီး၏။
• 
  
• အကြင်သူသည် သူတော်ကောင်းကို ချစ်ခြင်းမပြုချေ။ မသူတော်တို့ တရားသာလျှင် နှစ်သက်၏။ ထိုအကျင့်အမူသည် ထိုသူအား ပျက်စီးမည့်အကြောင်းပေတည်း။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )

လူမိုက်၏သဘော ( ၂ )

• လူမိုက်၌ ကိုယ်ခန္တာအားရှိပါမူမကောင်းချေ။ အနိုင်အထက် သူတပါးဥစ္စာကို ရအောင်ယူတတ်၏။ ပညာနည်းသော ထိုသူမိုက်သည် ကိုယ်ခန္တာပျက်သည်၏ နောက်၌ငရဲသို့ ရောက်ရ၏။

• အိမ်၌ဖျက်ဆီးတတ်သည်ကားကြွက်တည်း။ တော၌ဖျက်ဆီးတတ်သည်ကား မျောက်တည်း။ ငှက်၌ဖျက်ဆီးတတ်သည်ကား ကျီးတည်း။ လူ၌ဖျက်ဆီးတတ်သည်ကားလူမိုက်တည်း။

• လောက၌ ဟင်္သာသည် ကျီးတို့ ၏အလယ်၌ မတင့်တယ်ချေ။ ခြင်္သေ့သည် နွားတို့ ၏အလယ်၌မတင့်တယ်ချေ။
• မြင်းသည် မြည်းတို့ ၏အလယ်၌ မတင့်တယ်ချေ။ သူမိုက်တို့ ၏အလယ်၌ ပညာရှိသည်မတင့်တယ်ချေ။

• လူမိုက်သည် အသက်ထက်ဆုံးလည်း ပညာရှိကို အကယ်၍ဆည်းကပ်ငြားသော်လည်း ထိုလူမိုက်သည် တရားကိုမသိချေ။ အဘယ်ကဲ့သို့ နည်းဟူမူကား ယောက်မသည် ဟင်း၏အရသာကို မသိသကဲ့သို့ တည်း။

• ဥစ္စာမရှိပဲ ကာမဂုဏ်လိုလားလွန်းသူ၊ ခွန်အားမရှိပဲ အသတ်အပုတ်ကြိုက်သူ၊ ပညာမရှိပဲ စကားလိုလားသူ။
• ဤသူတို့ ကားလူမိုက်များနှင့်တူကုန်၏။

• နိုးနေသူ၏ ညဥ့်သည်ရှည်လျှားလှ၏။ သူတော်ကောင်းတရားကိုမသိကြသောလူမိုက်တို့ ၏သံသရာသညလည်းရှည်လျှား၏။

• လူမိုက်တို့ မည်သည် သူတပါးတို့ ၏ နှမ်းစေ့ခန့် မျှသော အနည်းငယ်အပြစ်ကိုမြင်၏။ အုန်းသီးခန့် ကြီးသောကိုယ့်အပြစ်ကိုကိုယ်မမြင်တတ်ပေ။

• သူမခေါ်ပဲလျှက် သူများအိမ်သို့ သွားဖန်များသောသူ။ သူမမေးပဲ များစွာပြောဟောတတ်သောသူ။ မိမိဂုဏ်ကျေးဇူးကိုပလွှားတတ်သောသူ (၀ါ) ကိုယ်ရည်သွေးတတ်သောသူ၊ ဤသုံးပါးသည် လူမိုက်၏လက္ခာဏာတည်း။

• ပိတုန်းသည်ပန်းကိုအလိုရှိကုန်၏။ သူတော်ကောင်းတို့ သည် ဂုဏ်ကျေးဇူးကိုအလိုရှိကုန်၏။ ယင်ကောင်တို့ 
• သည်အပုပ်ကိုအလိုရှိကုန်၏။ လူမိုက်တို့ သည် အမျက်ဒေါသကို အလိုရှိကုန်၏။

သုတေသီ ဘုန်းမြင့်သွေး၏ ( လူမိုက်၏သဘော လူလိမ္မာ၏မနောမှ ကောက်နှုတ်ဖေါ်ပြသည် )

လူမိုက်၏သဘော ( ၁ )

* လူမိုက်ဆိုသည်မှာ သူတပါးအားဆဲဆိုထိပါး ကျူးကျော် စော်ကားမှသာ လူမိုက်မဟုတ်။ အသိအလိမ္မာမရှိသူကို လူမိုက်ဟုခေါ်သည်။
* ကိုယ့်ဂုဏ်သိက္ခာမညှိုးနွမ်းစေလိုလျှင် အရည်အချင်းရှိသူလူကောင်းများနှင့်သာအပေါင်းသင်းပြုသင့်သည်၊
လူမိုက်နှင့်ပေါင်းခြင်းထက်တစ်ဦးထဲနေခြင်းကပိုကောင်း၏။
* စိတ်နေသဘောထား ယုတ်ညံ့စဉ်းလဲသူလောက်ကြောက်ရွံ့ စက်ဆုပ်စရာကောင်းသောအန္တရယ်မည်သည်မရှိ၊
* လူမိုက်ဟူသည် မီးတူစင်စင် ပျက်ကြောင်းဖြစ်ရာ၏။ သူမိုက်လေ့လာ၊ မလိုက်နာနှင့်သူမိုက်သွင်ကို မမြင်ရထိုက်၊ သူမိုက်စကား၊ မကြားစေလို ၊ လူမိုက်ကိုယ်နှင့် ထိုထိုတကွမပေါင်းရလျှင်။
(မဃဒေ၀ )
ဖြစ်မည့်အရာမဟုတ်လျှင် ဘယ်တော့မှဖြစ်လိမ့မည်မဟုတ်။
ဖြစ်မည့်အရာဟုတ်လျှင်မုချဖြစ်လိမ့်မည်သာတည်း။
ယင်းစကားသည် အလုပ်ကိစ္စကိုဆောင်ရွက်နိုင်စွမ်းမရှိသောလူပျင်း၏စကားဖြစ်၏
ပညာမဲ့သူသည် ချွတ်ချော်မှားယွင်းသောအခါ၌ကံကြမ္မာကို ယိုးမယ်ဖွဲ့ ပြီးပြစ်တင်ရှုတ်ချတတ်လေသည်။
မိမိအလုပ်၏ ချွတ်ယွင်းချက်ကိုမူမမြင်ပေ။
ပြည့်စုံကြွယ်ဝခြင်းဆုံးပါးပျက်စီးခြင်း၏အခြေခံအကြောင်းရင်းကားကံကြမ္မသာလျှင်တည်းဟုကြံစည်စဉ်းစား
ကံကိုသာလျှင်ကိုးစားသူသည်မိမိအကျိုးစီးပွားအတွက်ပင်ကြိုးစားပမ်းစားအားမထုတ်ပေ။

သုတေသီဘုန်းမြင့်သွေး၏ ( လူမိုက်၏သဘော လူလိမ္မာ၏မနော မှကောက်နှုတ်ဖေါ်ပြသည် )