နွေရာသီမှာလျှောက်လည်ရင်းရောက်ဖြစ်ခဲ့တဲ့နေရာတခုကတော့ Japanese Garden ပါ...။
ဂျပန်လူမျိုးတွေရဲ့ထူးခြားဆန်းကြယ်တဲ့အတတ်ပညာလည်းဖြစ် အနုပညာလည်းဖြစ်တဲ့
Bonsai Tree တွေအကြောင်းကစိတ်ဝင်စားစရာကောင်းပါတယ်...။
Bonsai ( ဘွန်ဇိုင်း ) ရဲ့အဓိပ္ပါယ်က
"Tree in a Pot" ( အိုးထဲကသစ်ပင် ) လို့ အဓိပ္ပါယ်ဖွင့်ဆိုကြပါတယ်။
ဒီအတတ်ပညာဟာလွန်ခဲ့တဲ့နှစ်ပေါင်းထောင်နဲ့ ချီကတည်းက
တရုတ်လူမျိုးတွေနဲ့ ဂျပန်လူမျိုးတွေမှာရှိခဲ့တယ်လို့ ဆိုပါတယ်...။
******
နှစ်ပေါင်း ၁၅၀၀ သက်တမ်းရှိတဲ့ Bonsai Tree လေးတပင်ကို
ကမ္ဘာကျော်ဗုဒ္ဓဘာသာဘုန်းတော်ကြီး ဒလိုင်းလားမားရဲ့ နိုင်ငံဖြစ်တဲ့
တိဗက်နိုင်ငံမှာရှာဖွေတွေ့ ရှိခဲ့ကြပါတယ်...။
သူတို့ မမျှော်လင့်ပဲရှာဖွေတွေ့ ရှိခဲ့တဲ့ Bonsai Tree လေးရဲ့အကြောင်းက ပုံပြင်ဆန်ပြီးစိတ်ဝင်စားစရာကောင်းပါတယ်...။
သစ်ပင်လေးရဲ့ဇတ်လမ်းကဒီလိုပါ...
တနေ့ မှာ ချီကာဂို ယူနီဗာစတီ က ရှေးဟောင်းသုတေသနပညာရှင်တွေဟာ
တိဗက်အစိုးရကတာဝန်ရှိသူတွေနဲ့ လွန်ခဲ့တဲ့နှစ်ပေါင်း ၁၅၀၀ လောက်မှာ
ငလျှင်ဒဏ်ကြောင့်ပြိုကျပျက်စီးသွားခဲ့တဲ့ဘုန်းတော်ကြီးကျောင်းတွေကို
သွားရောက်လေ့လာခဲ့ပါတယ်။ အဲဒီဘုန်းတော်ကြီးကျောင်းတွေဟာ လွန်ခဲ့တဲ့နှစ်ပေါင်း
၃၀၀၀ လောက်က တည်ဆောက်ခဲ့တဲ့အဆောက်အဦးတွေလို့ ဆိုပါတယ်။
သူတို့ တွေဟာပြိုကျပျက်စီးသွားတဲ့အဆောက်အဦးတွေကြားထဲလှည့်လည်ကြည့်ရူ့ နေကြရင်းနဲ့ 
အဲဒီအဆောက်အဦးတွေကြားထဲမှာ မပျက်စီးပဲကျန်နေခဲ့တဲ့ အခန်းတခုကို
မမျှော်လင့်ပဲတွေ့ ရှိခဲ့ကြပါတယ်...။ အခန်းရဲ့အလည်တည့်တည့်စားပွဲပေါ်မှာတော့
သူတို့ ရောက်လာမယ့်အချိန်ကိုအထီးကျန်စွာစောင့်ဆိုင်းနေခဲ့တဲ့
နှစ်ပေါင်း ၁၅၀၀ သက်တမ်းရှိပြီဖြစ်တဲ့ Bonsai သစ်ပင်လေးကို
အသက်ရှင်လျှက်တွေ့ ရှိခဲ့ကြပါတယ်။
အဲဒီသစ်ပင်လေးဟာ သူ့ ကိုရေလောင်းမယ့်သူမရှိ စောင့်ရှောက်မယ့်သူမရှိပဲ
အဲဒီအခန်းထဲမှာအထီးတည်း ရပ်တည်ရှင်သန်နေခဲ့တာနှစ်ပေါင်းထောင်ချီခဲ့ပြီပေါ့...။
သူတို့ ဟာလူသူကင်းမဲ့တဲ့ဒီနေရာမှာဒီသစ်ပင်ကလေးဒီလောက်နှစ်ပေါင်းကြာကြာ
ဘယ်လိုများအသက်ရှင်နေခဲ့တာလည်းလို့ လေ့လာကြည့်တဲ့အခါမှာ
အဲဒီအခန်းထဲကို တနေ့ ၂နာရီလောက်နေရောင်ခြည်ကျရောက်တာရယ်
အဲဒီသစ်ပင်လေးတ၀ိုက်မှာပိုးကောင်လေးတွေရဲ့ခန္ဓာအကြွင်းအကျန်နဲ့ 
လင်းနို့ တွေရဲ့အညစ်ကြေးအကြွင်းကျန်တွေရှိနေတာရယ်
ဒီသစ်ပင်လေးပေါ်ကိုတနေ့ ရေစက်အနဲငယ်ကျရောက်နေခဲ့တာရယ်ကြောင့်
သူ့ အတွက်အာဟာရဖြစ်ပြီးဒီလောက်ကြာကြာအသက်ရှင်နေခဲ့တယ်လို့ ဆိုပါတယ်...။
******
သြော်...သစ်ပင်ကလေးတပင်သည်လည်းလောကဓံတရားကို သူ့ အစွမ်းရှိသလောက်
ကြံ့ကြံ့ခံရင်ဆိုင်ခဲ့သည်ပဲလေ......။ ကိုယ်တို့ လူသားတွေကရော?......။
*
*
*