*~~~ကိုယ်မပြောချင်သော စကားများ~~~*

ပြီးခဲ့တဲ့အပတ်က "စကား"ဆိုတဲ့ကဗျာတပုဒ်ရေးဖြစ်ပါတယ်...

ဒီကဗျာနဲ့ ပတ်သက်ပြီး သူတော်ကောင်းများရဲ့ အသံတွေကိုပြန်ကြားရပါတယ်...

တိုက်ရိုက်မဟုတ်သော်ငြားလည်း သွယ်ဝိုက်သောအသံများကိုလည်းကြားရပါတယ်...။

အားလုံးသော ထင်မြင်ယူဆချက်များကိုကျေးဇူးအနန္တပါလို့ ပြောပါရစေ...။

                                          

*~*~*~*~*~*~*~*~*~*

ဒီကဗျာကိုရေးတဲ့ကိုယ့်အဖြစ်က"ဖားအော်တာပဲကြားကြပြီးမြွေကိုက်တာကိုဘယ်သူမှမမြင်"

ဆိုတဲ့အဖြစ်နဲ့ တူပါတယ်...။ ကိုယ်ကဗျာဆရာမဟုတ်ပါဘူး... ကဗျာလည်းမရေးတတ်ပါဘူး။

ဒါပေမယ့်တခါတလေတော့ လောကကြီးမှာ ဖြစ်ပျက်နေတာတွေကို တွေ့ မြင်မိတဲ့အခါ

လက်တန်းရေးဖြစ်တဲ့ကဗျာတွေရှိသလို ကိုယ့်ဘ၀မှာကြုံရတဲ့အကြောင်းတရားတွေနဲ့ ပတ်သက်ပြီး

ရေးဖြစ်တာတွေလည်းရှိပါတယ်...။ "စကား" ဆိုတဲ့ကဗျာနဲ့ ပတ်သက်လို့ လူတွေရဲ့အမြင်မှာ

ကိုယ်က Bad guy (လူကြမ်း) ဖြစ်နေတာပါ...။
မသိတော့ကိုယ်ကအင်မတန်မှ ဆိုးရွားတဲ့သူပေါ့...။ 

ကိုယ်တိုင်လည်းကိုယ်ရေးတဲ့ကဗျာကို ကြိုက်လားလို့ မေးရင် 

အဖြေက လုံးဝဥဿုံ မကြိုက်ဘူးလို့ ဖြေရမှာပါ...။ 

ဒီကဗျာကို ကြိုက်လို့ ရေးတာမဟုတ် ရေးချင်လို့ ရေးတာလဲမဟုတ်

ရေးသင့်တယ်ထင်လို့ ရေးတဲ့ ကဗျာတပုဒ်ဖြစ်ပါတယ်...။

နောက်တခုက ကိုယ်က တလောကလုံးကလူတွေကိုလိုက်ကြည့်ပြီးတော့ ဒီကဗျာကိုရေးခြင်းမဟုတ်

အဲဒီလူတွေကိုလိုက်ကြည့်နေဖို့ ကိုယ့်မှာအချိန်လည်းမရှိ စိတ်လည်းမ၀င်စားသလို

သူများအကြောင်းလိုက်ကြည့်ပြီးပြောတတ်တဲ့ဝါသနာလည်းမပါဘူး...။
တခုတော့ရှိတယ် လောကလူသားတယောက်အနေနဲ့ 
ကိုယ့်မှာတာဝန်ရှိတယ်လို့ ယူဆရင်ပဲဖြစ်ဖြစ်

မသူတော်တွေအကြောင်း မလွဲမရှောင်သာလို့ တွေ့ မြင်မိတဲ့အခါမှာပဲဖြစ်ဖြစ်
ကိုယ်ပြောချင်တာတွေကို ကိုယ်မြင်တဲ့အတိုင်းတည့်တည့်မတ်မတ်ပဲပြောပါတယ်...

  ဝေ့လည်ကြောင်ပတ်နဲ့ မပြောတတ်ဘူး..။

 (ချွင်းချက်အနေနဲ့ ပြောရမယ်ဆိုရင်တော့ သူတော်ကောင်းတွေရဲ့အကြောင်းတော့

လေ့လာဖြစ်ပါတယ် ကိုယ်တိုင်ကသူတော်ကောင်းဖြစ်ချင်လို့ ပါ...)

ကိုယ့်အမြင်ကိုပြောရမယ်ဆိုရင် တလောကလုံးမှာရှိတဲ့လူတွေကို  ဒီလူကအဖြူ

ဒီလူကအမဲ ဒီလူကအ၀ါ ဒီလူက ဘယ်ဘာသာဝင် ဟိုလူက ဒီဘာသာဝင် အစရှိသဖြင့် 

ဒီလိုခွဲခြားတဲ့အမြင်မျိုးကိုယ့်မှာမရှိပါဘူး... ။ ကမ္ဘာကြီးရဲ့ ဘယ်အရပ် ဘယ်ဒေသ

ဘယ်နေရာမှာနေတဲ့လူဖြစ်ဖြစ် လူမှာ နှစ်မျိုးနှစ်စားပဲရှိပါတယ်...

အဲဒါကတော့ "သူတော်ကောင်းနဲ"့  "သူယုတ်မာ"ဆိုတာပါပဲ...။

လောကမှာ ရေများရေနိုင် မီးများမီးနိုင်ဆိုသလို သူတော်ကောင်းတွေအင်အားများတဲ့အရပ်ဟာ

ငြိမ်းချမ်းမယ်... သူယုတ်မာတွေဖက်ကအင်အားများရင် အဲဒီအရပ်ဟာ ရပ်ပြစ်ရှစ်ပါးဖြစ်မယ်...

ဒီလိုပဲ လူတယောက်မှာလည်း ကုသိုလ်စိတ်အားကောင်းရင် သူတော်ကောင်းဖြစ်မယ်

သုဂတိကိုရောက်မယ်... အကုသိုလ်စိတ်အားကောင်းရင် သူယုတ်မာဖြစ်မယ် အပ္ပါယ်လားမှာပဲ။

ယနေ့ ကိုယ့်မွေးရပ်မြေ မြန်မာနိုင်ငံကိုပြန်ကြည့်မယ်ဆိုရင်လည်း 
သူတော်ကောင်းနဲ့ သူယုတ်မာတို့ ရဲ့နှစ်ပေါင်းများစွာတိုက်နေတဲ့ တိုက်ပွဲပါပဲ...။ 

ဒီလိုသူတော်ကောင်းနဲ့ သူယုတ်မာတွေရဲ့တိုက်ပွဲမှာ

သူတော်ကောင်းဖက်က သူတော်ကောင်းတရားလက်ကိုင်ထားပြီး ဓမ္မနဲ့ ပဲတိုက်ကြတာပါ။

ဒါပေမယ့် သူတော်ကောင်းတွေက ဒီလို ဓမ္မနဲ့ နှလုံးသွင်းပြီးမေတ္တာထားနေတာဟာ 

သူယုတ်မာတွေအတွက် ကျွဲအပါးစောင်းတီးကျွဲနားငြီး ဖြစ်နေတာကိုတွေ့ ရပါတယ်။

သာဓကအားဖြင့် ၂၀၀၇ ခုနှစ် ရွှေဝါရောင်တော်လှန်ရေးမှာမေတ္တာသုတ်တော်ရွတ်ပြီး

ဓမ္မနဲ့ တိုက်ပွဲဝင်ခဲ့တဲ့ ရဟန်းသံဃာတွေကို ရက်ရက်စက်စက်နှိမ်နင်းခံလိုက်ရတာပါပဲ...။

 အခုလက်ရှိလည်း သူတော်ကောင်းတွေဖက်ကို

နည်းမျိုးပေါင်းစုံနဲ့ ထိုးနှက်တိုက်ခိုက်နေတာကိုခံနေရဆဲပါပဲ...။

ကိုယ်တိုင်လည်းဒီလိုပဲ...

 ဘ၀မှာသူယုတ်မာတွေရဲ့ထိုးနှက်တိုက်ခိုက်ခြင်းကိုခံခဲ့ရဖူးပါတယ်။

ကိုယ့်ဖက်ကတော့ဓမ္မနဲ့ ပဲတုန့် ပြန်ခဲ့တာများပါတယ်...သို့ သော် သူယုတ်မာတိုင်းကို

ဓမ္မနဲ့ တုန့် ပြန်လို့ မရဘူးဆိုတာ ကိုယ်တိုင်ကြုံမှပဲသိရတာပါ...။

ယခုလက်ရှိကိုယ့်ကိုတိုက်ခိုက်နေတဲ့ မသူတော်ဟာ အခြေအနေဆိုးသထက်ဆိုးလာနေလို့ 

ကိုယ်က "စကား"ဆိုတဲ့ကဗျာနဲ့ တုန့် ပြန်လိုက်ရခြင်းပါပဲ...။ 

ကိုယ့်ဖက်ကသည်းခံနေခဲ့တာ နှစ်ပေါင်းများစွာကြာခဲ့ပါပြီ...။ 

ဒီပုဂ္ဂိုလ်ဖက်ကတော့ တစက်မှမလျှော့ပဲတိုက်ခိုက်လာခဲ့တာပါ...။

ကိုယ့်ကိုပဲတိုက်ခိုက်တယ်ဆိုရင် ကိုယ်ကဒီအတိုင်းပဲ ကိုယ့်ခန္တီပါရမီကိုယ်ဖြည့်ဆည်းဖို့ 

ဆက်ပြီးသည်းခံသွားမယ့်သူပါ...။  ဒါပေမယ့်ဒီပုဂ္ဂိုလ်က ကိုယ့်ကိုတိုက်ခိုက်တာတင်မဟုတ်

အမေအရွယ်အမျိုးသမီးကိုတောင် ယုတ်ယုတ်မာမာပြောဆိုတိုက်ခိုက်ပြီး

တို့ မီးရှို့မီးလုပ်နေတာမြင်မကောင်းရှူ့မကောင်းလောက်အောင်ဖြစ်နေတာပါ...။

 အလကားရတဲ့ Fb နဲ့ Blog မှာအကောင့်တွေဖန်တီးပြီး
ဝါဒဖြန့် နေတာတွေဟာမမြင်ချင်အဆုံးပါ...။ ဒီပုဂ္ဂိုလ်ရဲ့ဝါဒဖြန့် မူ့ ကြောင့် 

သူ့ လိုသူယုတ်မာများစွာဟာအုံနဲ့ ကျင်းနဲ့ ဖြစ်လာနေတာကိုလဲမတွေ့ ချင်ပဲတွေ့ နေရတာပါ...။

ဘယ်လိုစကားလုံနဲ့ မှ ဖေါ်ပြဖို့ မစွမ်းနိုင်လောက်အောင်ယုတ်ညံ့ဆိုးရွားတာကမ်းကုန်နေတယ်။

  နောက်ဆုံးမမြင်မတွေ့ ချင်လို့ ရှောင်ပါတယ်ဆိုမှ

အရှေ့ ကနေ၀င်တိုက်ပြီးမတွေ့ တွေ့ အောင်တမင်တကာလုပ်နေတာပါ။

 ကိုယ့် email ကိုခိုးတယ်...။ ကိုယ်နဲ့ ကိုယ့်ရဲ့ဘလော့က်ကိုနည်းမျိုးစုံနဲ့ တိုက်ခိုက်တယ်...။
အမနာပတွေကို မကြားကြားအောင်ပြောတယ်... ဒါတင်မကများစွာရှိပါသေးတယ်... 

မသူတော်အကြောင်းဒီလောက်နဲ့ တင်တော်လိုက်ပါပြီ...။ 

 ဒီလိုလူမျိုးဟာအင်မတန်မှ အန္တရာယ်ကြီးမားတဲ့
ဒေ၀ဒတ်က ဆရာတင်ရမယ့်သူပါ။

ကဲ...သူတော်ကောင်းအပေါင်းတို့ ....

ဒီလိုမသူတော်မျိုးနဲ့ လောကမှာတွေ့ ရပြီဆိုရင် ဘယ်လိုတုန့် ပြန်ရမယ်ဆိုတာ

ပြောပြကြပါအုံး...။ အပြုံးလေးနဲ့  မေတ္တာသုတ်တော်ထိုင်ရွတ်နေရမှာလား...??? 

အရှင်မဟာမောဂ္ဂလ္လာန်ကတော့ နဂါးကိုနှိမ်နင်းဖို့ အတွက် သူ့ ကိုယ်သူ

နဂါးပုံဖန်ဆင်းပြီး သူနှိမ်နင်းရမယ့်နဂါးထက်အဆပေါင်းများစွာကြီးမားတဲ့နဂါးနဲ့ တိုက်ခဲ့တာပါ...။ 

ရဟန္တာဆိုပေမယ့် ဒီအတိုင်းထိုင် မေတ္တာလွှတ်ပြီးဆုံးမနေခဲ့တာမဟုတ်ဘူး။

လောကကောင်းကျိုးအတွက် လူသားတွေချမ်းသာရာရဖို့ အတွက်
ထိုက်သင့်သလို နှိမ်နင်းခဲ့ရတာမှတ်သားဖူးတာပဲ...။ 

*~*~*~*~*

("စကား" ဆိုတဲ့ကဗျာနဲ့ ပတ်သက်ပြီး ဓမ္မမိတ်ဆွေသူတော်ကောင်းများစိတ်အနှောက်အယှက်ဖြစ်
သွားကြတယ်ဆိုရင်ဖြင့် ခွှင့်လွှတ်ကြပါလို့ အနူးအညွှတ်တောင်းပန်ပါတယ်...။
မကောင်းသော အကုသိုလ်တရားများကို ကိုယ်တိုင်လည်း မတွေ့ ချင်
မမြင်ချင် မသိချင် မကြားချင်သလို ဒီနေရာကနေမျှဝေချင်သောဆန္ဒ
အလျှင်းမရှိဘူးဆိုတာကတော့ မှန်သောသစ္စာစကားပါ...။ )
ဒီကဗျာကိုလည်းဖယ်ရှားလိုက်ပါပြီ...။
အားလုံးပဲ ကိုယ်စိတ်နှစ်ပါးရွှင်လန်းချမ်းမြေ့ကြပါစေ... 

*
*
*